ئه‌مڕۆ ڕێكه‌وتى 5/2/2014 ڕۆژى چوارشممه‌ له‌ پاركى مناره‌ى شارى هه‌ولێر به‌بۆنه‌ى ڕۆژى جیهانى شێرپه‌نجه‌ به‌ئاماده‌بوونى (د.ڕێكه‌وت حمه‌ ڕشید) وه‌زیرى ته‌ندروستى و (نه‌وزاد هادى) پارێزگارى هه‌ولێر و (د.سامان حسێن به‌رزنجى) به‌ڕێوه‌به‌رى گشتى ته‌ندروستى هه‌ولێر و به‌ڕێوه‌به‌رى گشتى پلان ل وه‌زاره‌تى ته‌ندروستى ژماره‌یه‌ك له‌ پزیشكانى پسپۆڕو به‌ڕێوه‌به‌رى ته‌ندروستى ده‌روبه‌ر و به‌ڕێوه‌به‌رى نه‌خۆشخانه‌ى نانه‌كه‌لى نه‌قیبى سه‌ندیكاى كارمه‌ندانى ته‌ندروستى و سه‌رۆكى لقى هه‌ولێرى سه‌ندیكاو ژماره‌یه‌ك له‌ نه‌خۆشانى شێرپه‌نجه‌ له‌ مه‌راسیمێكى شایسته‌دا ساڵیادى ئه‌و ڕۆژه‌ كرایه‌وه‌ له‌ ووته‌یه‌كدا (د.سامان حسێن به‌رزنجى) به‌ڕێوه‌به‌رى گشتى ته‌ندروستى هه‌ولێر بۆ ئاماده‌بووان ڕوونى كرده‌وه‌ له‌م ڕۆژه‌دا له‌سه‌رتاسه‌رى جیهان ساڵ ڕۆژى جیهانى شێرپه‌نجه‌ ده‌كرێته‌وه‌ و كوردستانیش ساڵانه‌ گرنگى ته‌واو به‌م ڕۆژه‌ بدرێت ، دیاره‌ له‌ هه‌موو دونیادا شان به‌شانى ئه‌و هه‌موو پێشكه‌وتنه‌ گه‌ورانه‌ى كه‌ بۆ چاره‌سه‌ركردنى شێرپه‌نجه‌ ده‌كرێت و هه‌وڵى نه‌هێشتنى ئه‌و جۆره‌ نه‌خۆشیه‌ له‌ دونیادا ده‌درێت وه‌كو نه‌خۆشیه‌ گوازراوه‌كان به‌ڵام نه‌خۆشیه‌ نه‌گوزاراوه‌كان و درێژخایه‌نه‌كانى وه‌كو شێرپه‌نجه‌ به‌ره‌و زیاد بوون ده‌چێت و له‌ ساڵنامه‌ى جیهانیشدا ڕۆژێك بۆ ئه‌و نه‌خۆشیه‌ له‌لایه‌ن ڕێكخراوى ته‌ندروستى جیهانیه‌وه‌ ته‌رخان كراوه‌ و ئه‌و ڕۆژه‌ش گرنگى خۆى هه‌یه‌ و نه‌خۆشیه‌كى كوشنده‌یه‌ و به‌رده‌وام هه‌وڵى چاره‌سه‌ركردنى بۆ دراوه‌ چه‌ندین حاڵه‌تى چاره‌سه‌ركردنیش ئه‌نجام دراوه‌ هه‌روه‌كو جگه‌ره‌كێشان هۆكارى سه‌ركى شێرپه‌نجه‌ى سیه‌كانه‌ له‌ پیاواندا ب پله‌ى یه‌كه‌م دێت و پابه‌ند بوون به‌و ڕێنماییه‌ پزیشكیانه‌ بۆ پیاوان زۆر گرنگه‌و له‌ نێو ئافره‌تانیش شیرپه‌نجه‌ى مه‌مك دێت و كه‌ پله‌ى یه‌م و زۆرترینیانه‌ له‌ناو ئافره‌تان ژماره‌ى تووشبووان ڕێژه‌كه‌ له‌ دونیادا بونى هه‌یه‌ له‌ ووڵاتى ئێمه‌شدا ئاماژه‌ى ناخۆش و ترسناكه‌ و ل ساڵى 2013 دا به‌ گوێره‌ى ڕێكخراوى ته‌ندروستى جیهانى (14) ملیۆن كه‌سى تووش بوو هه‌بووه‌ و نزیكه‌ى (8) ملیۆن مردنیش هه‌بووه‌ به‌ڵام ئه‌وه‌ى بۆته‌ مایه‌ى خۆشحالى به‌هۆى پێشكه‌وتنى بوارى ده‌رمان و چاره‌سه‌رى و ئامێره‌كانى پشكنین و چاره‌سه‌رى و كه‌م كردنه‌وه‌ى ڕێژه‌ى مردن به‌ره‌و كه‌م بوونه‌وه‌ ده‌چێت لێره‌دا پیچویسته‌ ئاماژه‌ به‌و بده‌ین كه‌ له‌ساڵى ڕابردوو له‌سه‌ر بودجه‌ى حكومه‌تى هه‌رێم و له‌دواى دانان و په‌سندكردنى یاسایى سندوقى شیرپه‌نجه‌ كه‌ ئێستا وه‌زاره‌تى ته‌ندروستى خه‌ریكى ناردنه‌ ده‌روه‌ و چاره‌سه‌ركردنى ئه‌و نه‌خوچشانه‌یه‌ كه‌ بۆ پشكنینان بۆ چاره‌سه‌ركردن ڕه‌وانه‌ى ده‌ره‌وه‌ ده‌كرێن و له‌ناو شارى هه‌ولێر زیاتر له‌ (130) نه‌خۆش ڕه‌وانه‌ى سه‌نته‌ره‌ پێشكه‌وتنه‌كانى ده‌ره‌وه‌ى ووڵات كراون .
بۆ ئه‌م مه‌به‌سته‌ له‌ شارى هه‌ولێریش له‌لایه‌ن بنه‌ماڵه‌ى خێرخواز (ئه‌حمه‌د ئیسماعیل نانه‌كه‌ڵى) له‌ ساڵى 2004 ره‌وه‌ نه‌خۆشخانه‌یه‌كیان بۆ نه‌خۆشانى شێرپه‌نجه‌ كرده‌وه‌ كه‌ خزمه‌تێكى گه‌وره‌ پێشكه‌ش به‌م نه‌خۆشانه‌ ده‌كات له‌ ئێشتاشدا نه‌خوچشخانه‌یه‌كى (100) قه‌ره‌وێله‌ییان له‌به‌رده‌ست دایه‌ و له‌ قوناغى كۆتایدایه‌ بڕیاره‌ ئێمه‌ش هاوكاریان بكه‌ین به‌ دابینكردنى پێداویستیه‌كان0 دواتر د.ڕێكه‌وت حه‌مه‌ ڕه‌شید وه‌زیرى ته‌ندروستى باسى ئه‌و ڕۆژه‌ى كردوو ئاماژه‌ى به‌ ڕۆڵى وه‌زاره‌تى ته‌ندروستیدا به‌ چاره‌سه‌ركردن و دابینكردنى داو ده‌رمانى گران به‌ها بۆئه‌و نه‌خۆشانه‌ و تووشبووانى شێرپه‌نجه‌ و پێدانى ڕێنمایى پێویست و چۆنیه‌تى خۆپاراستن له‌م نه‌خۆشیه‌ و خۆشبه‌ختانه‌ ئه‌و سه‌ڵمێنراوه‌ كه‌ زیاتر له‌ (30%) پێشى لێ گیراوه‌ و خۆپاراستن زور گرنگه‌ ئاماره‌كانى شێرپه‌نجه‌ ئه‌وه‌مان پێده‌ڵێن له‌ هه‌رێمى كوردستان له‌ ئاستێكى نزم دایه‌ دواتر( نه‌وزاد هادى) پارێزگارى هه‌ولێر به‌بۆنه‌ و ئه‌و ساڵ ڕۆژه‌ ڕوونى كرده‌وه‌ : ڕۆژى 4/2 ڕۆژێكى تایبه‌ته‌ به‌ نه‌خۆشانى شێرپه‌نجه‌و به‌ نه‌خۆشیه‌كى مه‌ترسیدا و كوشنده‌یه‌ و ناوه‌نده‌كانى ته‌ندروستى ل هه‌مو دونیا دا خه‌ریكى دۆزینه‌وه‌ى چاره‌سه‌رین بۆ ئه‌م نه‌خۆشیه‌ دیاره‌ له‌ هه‌رێمى كوردستانیش هه‌وڵه‌كانى حكومه‌تى هه‌رێمى كوردستان له‌ ئارادایه‌ بۆ چاره‌سه‌ركردنى ئه‌و نه‌خۆشیه‌ و پێدانى داو ده‌رمانى پێویست لێره‌دا نابێت هه‌وڵه‌كانى وه‌زاره‌تى ته‌ندروستى له‌یاد بكه‌ین كه‌ ڕۆڵى كاریگه‌ر ده‌گێڕن بۆ چاره‌سه‌ركردنى ئه‌و نه‌خۆشیه‌ و هاوكاریكرنیان و ڕوانه‌كردنیان بۆ ده‌ره‌وه‌ى ووڵات ..