له‌ درێژه‌ى چالاكیه‌كانى ڕۆژى جیهانى شه‌كره‌دا
هه‌مووساڵێك له‌ ڕۆژى 14/11/كه‌ ده‌كاته‌ ڕۆژى جیهانى نه‌خۆشى شه‌كره‌ و له‌سه‌رتاسه‌رى جیهان له‌ڕۆژى جیهانى نه‌خۆشى شه‌كره‌دا چه‌ندین چالاكى ئه‌نجام ده‌درێت له‌ كوردستانیش له‌و ڕۆژه‌دا چه‌ندین چالاكى له‌لایه‌ن وه‌زاره‌تى ته‌ندروستى و به‌ڕێوه‌به‌رایه‌تى گشتى ته‌ندروستى شاره‌كانى كوردستان له‌ و ڕۆژه‌دا چه‌ندین چالاكى ئه‌نجام ده‌ده‌ن، به‌ڕێوه‌به‌رایه‌تى گشتى ته‌ندروستى هه‌ولێر بۆ ڕۆژى جیهانى نه‌خۆشى شه‌كره‌ چه‌ندین چالاكى له‌ هه‌گبه‌دا بوو یه‌كێك له‌و چالاكیانه‌ش سازدانى سیمنارێك بوو كه‌ به‌ڕێوه‌به‌رایه‌تى گشتى ته‌ندروستى هه‌ولێر به‌ هاوكارى بنكه‌ى ته‌ندروستى زانكۆ سیمینارێكى فراوانى سه‌باره‌ت به‌ ڕۆژى جیهانى نه‌خۆشى شه‌كره‌ بۆ (د.ئارى عه‌بدولقادر) به‌ڕٍێوه‌به‌رى سه‌نته‌رى له‌یلا قاسم بۆ نه‌خۆشى شه‌كره‌ سازكراو تیایدا به‌ تێرو ته‌سه‌لى باسى له‌ نه‌خۆشى شه‌كره‌ و نیشانه‌كانى و خۆپاراستن له‌م نه‌خۆشیه‌ بۆ ئاماده‌بووان شیكرده‌وه‌ با هاوڵاتیانى ڕاگه‌یاند كه‌ نه‌خۆشى شه‌كره‌ نه‌خۆشیه‌كى درێژخایه‌نه‌و بریتیه‌ له‌ به‌رزبوونه‌وه‌ى شه‌كره‌ له‌ خوێن له‌ ئه‌نجامى نه‌مانى یاخود كه‌م بوونى ئه‌نسولین یان كارنه‌كردنى ئه‌نسولین به‌شێوه‌ى ته‌ندروست له‌سه‌ر خانه‌كانى له‌ش و ئه‌گه‌ر چاره‌سه‌رنه‌كرێت ده‌بێته‌ هۆى تووشبوونى ئاڵۆزیه‌كان و كزبوونى له‌ده‌ست دانى چاوه‌كان و ته‌سك بوونى بۆڕیه‌كانى خوێن و لاوازبوون و شكست هێنانى كورچیله‌كان و نه‌خۆشى شه‌كره‌ چه‌ندین جۆرى هه‌یه‌ وه‌ له‌ منداڵان و هه‌رزه‌كاران زیاتره‌ و به‌ ئه‌نسولین چاره‌سه‌رده‌كرێت جۆرى دووه‌میان به‌ ته‌مه‌نه‌كان زیاتر تووش ده‌بن، له‌و حاڵه‌ته‌دا نه‌خۆشه‌كان به‌ خۆراكى ته‌ندروست و وه‌رزشكردن و خواردنى ده‌رمان به‌پێ ى خشته‌ى دیارى كراو چاره‌سه‌رده‌كرێت جۆرى سێه‌میشیان شه‌كره‌ى ئافره‌تى دوو گیانه‌ و زۆر جار به‌شێوه‌یه‌كى كاتیه‌ دواتر د.ئارى له‌ درێژه‌ى سیمناره‌كه‌دا باسى له‌ ئامارى نه‌خۆشى شه‌كره‌ كردوو گووتى:ژماره‌ى دانیشتوانى له‌ساڵى 2013 گۆى زه‌وى گه‌یشتۆته‌ شه‌ش ملیارو شه‌ش سه‌د ملیۆن كه‌س له‌و حاڵه‌ته‌شدا ژماره‌ى تووشبووانى سێسه‌ت و هه‌شتاو دووملێۆن كه‌س شه‌كره‌ى هه‌یه‌ له‌ جیهان و ئه‌و ئاماره‌ پێمان ده‌لێت كه‌ نه‌خۆشى شه‌كره‌ له‌ نه‌خۆشى ئایدز زیاتره‌ وامه‌زه‌نده‌ش ده‌كرێت له‌ساڵى 2035 به‌ڕێژه‌ى 55% زیاد بكات، دواتر هه‌ر له‌ درێژه‌ى كاروچالاكیه‌كانى ڕۆژى جیهانى شه‌كره‌ دا هه‌ڵمه‌تێكى هۆشیاركردنه‌وه‌ى هاوڵاتیان له‌ نه‌خۆشى شه‌كره‌ له‌لایه‌ن به‌ڕێوه‌به‌رایه‌تى گشتى ته‌ندروستى هه‌ولێر به‌ڕێوه‌چوو تیدا چه‌ندین تیم پێكهێنرا بۆ ئه‌وه‌ى پشكنینى نه‌خۆشى شه‌كره‌ ئه‌نجام بدات و بڵاو كراوه‌و ڕێنمایى پێویست بۆ هاوڵاتیان دابه‌شكرا شایانى باسه‌ بنكه‌ى ته‌ندروستى زانكۆ چه‌ند تیمێكیان بۆپشكنینى نه‌خۆشى شه‌كره‌ له‌ناو كۆلێژه‌كان پێك هێنا تا پشكنین بۆ قوتابیانیش بكرێت