لەشاری ھەولێر لەمەراسیمێکی تایبەت رۆژی جیھانی ئەیدز بەرێوەچوو
د.رێکەوت حمەرەشید: لەسالی ٢٠١٤ تائیستا زیاتر لە ٣٦١ ھەزار پشکنین ئەنجامدراوە
وەزیری تەندروستی پەیامی ئیمە بۆ ھاووڵاتیان لەرۆژە بریتیە لە ( ھۆشیار بە ، پابەند بە ، پشکنین بکە بۆ کوردستانێکی دوور ئەیدز )
رێژەی توشبون بەنەخۆشی ئەیدز لەژێرپێوەرە جیھانیەکانە و خۆشبەختانە تائیستا ١٧ حالەت تۆمارکراوە لەھەرێمی کوردستان ھاوکات پێویستە ھاوڵاتیان پابەندی رێنمایەکانی پزیشکان و بەرزکردنەوەی ئاستی ھۆشیاری رۆشنبیریان بن بۆئەوەی دوربن لەنەخۆشی ئەیدز ئەم ووتانەی د.رێکەوت حمەرەشید وەزیری تەندروستی لەمیانی بەرێوەچوونی مەراسیمی رۆژی جیھانی ئەیدزھات کەھەریەک لەپارێزگاری ھەولێر و بەرێوەبەری گشتی تەندروستی ھەولێر و ژمارەیەک لەبەرێوەبەرانی گشتی تەندروستی ئامادەیی بوون، تیایدا ئاماژە بەگرنگی بەرێوەچوونی ئەم رۆژەکرا بۆزیاتر ھۆشیاری کردنی ھاوڵاتیان لەمەترسیەکانی ئەیدز و چۆنیەتی خۆپارێزیان.
لەدوو وتەی جیاشدا ھەریەک لە بەرێوەبەری گشتی تەندروستی و ھەولێر و پارێزگاری ھەولێر تیشکیان خستەسەر رۆلی ستافی تەندروستی بۆپێشگیری و ھاندانی ھاوڵاتیان بۆئەنجامانی پشکنین و سەردانی کردنی تاقیگەکانی تایبەت بەوەرگرتنی نمونەی نەخۆشیەکان و ئەنجامدانی ئەو کاروپرۆژانەی کەلەلایەن تەندروستی ھەولێر ئەنجامداروە لەماوەی رابردوو کەتایبەت بەوە بەنەخۆشی ئەیدز و ھەولەکانی وەزارەت بۆپاڵپشتی کردنی سێکتەری تەندروستی لەوشارە.
دواتر د.رێکەوت حمەرەشید وەزیری تەندروستی رای گەیاند سوود لەو دەرفەتە وەردەگرین بۆ پتەوکردنی ھەماھەنگی لەگەڵ لایەنەپەیوەندارەکانی تر و ھاندانی ڕێکخراوەکانی کۆمەڵی مەدەنی و کەنالەکانی ڕاگەیاندن تاوەکو زیاتر ھاوکاربن و زیاتر ڕۆڵیان ھەبێت لە ھۆشیارکردنەوەی خەلک و سەرخستنی پرۆگرامی بەرەنگاربونەوەی ئەیدز لە ھەرێمی کوردستان .
وەزیری تەندروستی وتیشی بەگوێرەی دوا ئاماری رێکخراوی تەندروستی جیھانی ئیستا ( ٣٥ ) ملیۆن کەس نەخۆشی ئەیدزیان ھەیە لە جیھان ، تەنھا لە ساڵی ٢٠١٣ ژمارەی ئەو کەسانەی بەھۆی ئەو نەخۆشیەوە مردوون یەک ملیۆن و نیو بووە بەمەش ژمارەی قوربانبانی ئەو نەخۆشیە لە جیھان لە ٣٢ ساڵی ڕایردوو (١٩٨١ _٢٠١٣) گەیشتۆتە ( ٣٩) ملیۆن کەس .
بەڵام خۆشبەختانە بەھۆی ووشیاربونەوەی زیاتری خەلک و ئەنجامدانی پشکنین و پابەندبوون بە ڕێنماییەکانی خۆپارێزی ئیستا ساڵ دوای ساڵ ژمارەی تازە توشبووانی نەخۆشیەکە و مردن بەھۆی ئەیدز ڕوو لە کەمبونەوەیە ئەمەش ئومێدی ئەوەی داوە بە ڕێکخراوی تەندروستی جیھانی ئامانجی ئەوەی ھەبێت کە لە ساڵی ٢٠٣٠ کۆتایی بە پەتای ئەیدز بھێنێت لەجیھان ،
لەبەشێکی تری ووتەکەیدا وەزیری تەندروستی رای گەیاند سوپاس بۆ خودا و بە ھیمەتی ھەموو ئەو دڵسۆزانەی لەپرۆگرامی بەرەنگاربونەوەی ئەیدز رۆلیان ھەبووە تاوەکو ئیستا ئەیدز لەھەرێمی کوردستان ڕێژەکەی زۆر نزمە و تاوەکو ئیستا تەنھا (١٧) حاڵەتی توشبوو تۆمارکراووە لە دانیشتوانی ھەرێم ، لەم ٢٠١٤ تەنھا (٢) حالەتی ناوەخۆ ھەبووە لەگەڵ (١٢) حالەتی بیانی کە ڕەوانەی وولاتانی خۆیان کراونەوتەوە .
د.رێکەوت حمەرەشید تەئکیدیشی لەوەکردەوە مەترسی ئەو نەخۆشی یە ھەیە لە ھەرێمی کوردستان چونکە لە لایەک لە وولاتانی دراوسێ و دەوروبەر وناوچەکە نەخۆشیەکە روو لە زیادبوونە لەلایەکی تر کرانەوەی ھەرێم بەڕووی دونیادا و ھاتنی ئەو ژمارە زۆرە لە کریکار و کۆمپانیای بیانی و پیشکەوتنی کەرتی گەشتوگوزار ھەروھا ئەو ژمارە زۆرە لە ئاوارە و پەنابەر کە ڕوویان لە ھەرێم کردووە مەترسی نەخۆشیەکە زیاتر دەکەن ، لەبەر ئەوە ڕێکارەکانی پێشگیری ساڵ دوای ساڵ توندتر و بەھێزتر دەکەین بۆنمونە لە ساڵی ٢٠٠٧ تاوەکو ٢٠١٢ سالانە نزیکەی (١٠٠) ھەزار پشکنینمان کردووە بۆ ئەیدز بەلام لە سالانی ٢٠١٣ و ٢٠١٤ ئەو ژمارەیە بەرزبۆتەوە بۆ (٢٠٠ _٣٠٠ ) ھەزار پشکنین بەتایبەتی بۆ شاندکراوەکان و بیانیەکان و ئەوانەی تریش کە بە گروپی مەترسیداری نەخۆشیە کە دەناسرێن ، ھەروھا چالاکیەکانی ھۆشیاری تەندروستیش ھەر بەردەوامن و ھۆشیاری بەھێزترین چەکی بەرەنگاربونەوەی ئەیدزە ، دوای ھۆشیاری پابەندبوون بە ڕێنماییەکان زۆر گرنگە دواتر پشکنینی خۆبەخشانە بەم ھەنگاوانە ھەموومان بەشدار دەبین لە پاراستنی ھەرێمی کوردستان لەو نەخۆشی یە