لە 8ى ئایار رۆژی جیهانی نەخۆشی تالاسیمیا  چەندین چالاکی لەسەنتەری تالاسیمیای هەولێر  ئەنجامدرا،

ئەمڕۆ چوارشەممە 2024.5.8،
 بەبۆنەى 8ى ئایار رۆژی جیهانی نەخۆشی تالاسیمیا، بەئامادەبوونى بەڕێزان "ئومێد خۆشناو"  پارێزگارى هەولێر و "د.دلۆڤان محمد فاتح جلال" ، بەڕێوەبەرى گشتیى تەندروستى هەولێر و ژمارەیەکى تر لە مامۆستایانی ئاینى و بەرپرسانى ئیدارى و حکومى و پزیشک و کارمەندانى تەندروستى،

لەووتارێکدا بەڕێز بەڕێوەبەری گشتی؛  تیشکی خستنەسەر گرنگی ڕۆژە جیهانیەکان کە ئامانج لە هۆشیاریکردنەوەی هاوڵاتیان بەگشتی ئاشنابن لەڕێگەی  چالاکیەکانی نێو ڕۆژی جیهانی تالاسیمیا کە بریتیدەبن لە خستنەڕووی  ڕێنماییەکان کە بریتین لە پشکنینی پێش وەختە لە پڕۆسەری هاوسەرگێری و ئامار و پێشکەشکردنی خزمەتگوزاری سەنتەری تالاسیمیا و هەڵمەتی خوێن بەخشین بۆ هاندانی هاوڵاتیان بە بە بەخشینی خوێن وەکو پاڵپشتیەکەک بۆ تووشبوان، دواتر سوپاس و دەستخۆشی لەگشت خواپێداوان و هاوکاران و پاڵپشتیکردنی ئەم سەنتەره کە لەڕابردوو جێگای ڕێز و تقدیرن  بە هیمەتی هەموولایەک سەنتەرێکی لەم جۆرە بەشێوازێکی سەردمەنیانە خراوتە خزمەت تووشبوانی تالاسیمیا،

شایەنی باسە بەڕێز بەڕێوەبەری گشتی سوپاس و دەستخۆشی لە بەڕێوەبەر و دەستەی کارگێڕی سەرپەرشتیاران و هەموو ئەو بەڕێزانە و ڕێکخراوان و لایەنانەی مەڕسیمەکەکرد کە هاوکاربونە،

دواتر بەڕێز پارێزگارى هەولێر،؛ تیشکى خستە سەر سەنتەرى چارەسەرى تووشبوانى تالاسیمیا کە کاریگەریەکى زۆرى هەیە لە چارەسەرکردنى تووشبووانى نەخۆشى تالاسیمیا و ئاماژەى بەوەدا ئەم سەنتەرە کە یەکێکە لە گرنگیەکانى شارى هەولێر و تووشبووانى تالاسیمیا سوودى زۆریان لێى بینیوە، پارێزگارى هەولێر هەروەها دەستخۆشى لە بەڕێوەبەر و پزیشک و ستافى سەنتەر کرد کە وەکو کەس و کارى خۆیان مامەڵە لەگەڵ نەخۆشانى تووشبوو بە تالاسیمیا دەکەن و ڕۆڵى دیار و بەرچاوویان هەیە لە چارەسەرکردنیان، ئەوەش ماییەى دڵخۆشى هەموو لایەکە،
لەکۆتا مەڕاسیمەکە سوپاس و پێزانین پێشکەش بەم بەڕێزانەکرا کە هەماهەنگ و هاوکارن بۆ پاڵپشتی پێشکەشکردنی خزمەتگوزاری پزیشکی تەندروستی لە سەنتەری تالاسیمیای هەولێر،

جێگەى باسە، تالاسیمیا نەخۆشییەکی بۆماوەیی خوێنە، کەسێکی تووشبووی نەخۆشییەکە، رێژەیەکی کەمتری خڕۆکە سوورە تەندروستەکانی هەن، بەمەش بڕێکی کەمتری هیمگۆگڵۆبینی تەندروستی هەیە و باوترین نەخۆشیی بۆماوەییە کە لە باوانەوە بۆ منداڵان، لە رێگەی بۆهێڵ "جین"ەکانەوە دەگوازرێتەوە و لە هەرێمی کوردستانیش زیاتر لە (3500) تووشبووی نەخۆشی تالاسیمیا هەن، کە (1150) تووشبوویان لە سنووری پارێزگای هەولێر تۆمار کراون و بەشێکى تریشیان ئاوارە و پەنابەرەکانی نیشتەجێی سنووری پارێزگاکەن و مانگانەش زیاتر لە (1100) بوتڵ خوێن دەدرێت بەو تووشبوانەی کە لە سەنتەری تالاسیمیا لە هەولێر چارەسەر وەردەگرن.

#ڕاگەیاندنی بەڕێوەبەرایەتی گشتی تەندروستی هەولێر